أفتتاح المطــرطــرين
كتبهاTartar ، في 12 يونيو 2010 الساعة: 18:34 م
أفتتاح المطـــرطرين الجدد ::-
في 10 كانون الأول (ديسمبر) 1948، اعتمدت الجمعية العامة للأمم المتحدة الإعلان العالمي لحقوق الإنسان وأصدرته وكان يتضمن البنود التالية :
المادة 5 ::-
لايعرض أي إنسان للتعذيب ولا للعقوبات أو المعاملات القاسية أوالوحشية أو الحاطة بالكرامة.
المادة 30::-
المادة الأخيرة من البيان
ليس في هذا الإعلان نص يجوز تأويله على أنه يخول لدولة أو جماعة أو فرد أي حق في القيام بنشاط أو تأدية عمل يهدف إلى هدم الحقوق والحريات الواردة فيه.
حد فهم حاجـــة !!!
طيب خد عندك دية …
إيمان بكرى
برمجونا احنا واللى خلفونا
قولنا أوكيه ونوت بربلم
ماشى حاضر
دوخونا يالمونه ع المجالس والمحاكم والمحاضر
قلنا ماشى ونوت بربلم
عملوا خطه جهنميه
ولبسونا السطانيه
والعصابه المفتريه
رفعونا بالمدافع والخناجر
جرفوا معنى العروبه
من قلوبنا ودبحوا فينا الحناجر
قلنا نسكت نوت بربلم
بس زادوا الطينه بله
قلنا كلا وألف كلا
رحنا نعمل شكوى يمكن
يرفعوا عنا المخاطر
قالوا لما تشوف ودانك
إبقى قابلنى يا شاطر
والوسيط أصبح موالى
وف إديه مربوط لجامى
قال كده حتزعلوه
واحنا مش ناقصين ياهوه
وخلوا بالكوا معانا فيتو
وحق فيتو مستحيل
حيسبكوا مره تبهدلوه
وأعلا ما ف خيلكوا اركبوه
قلنا نركب نوت بربلم
بس نعرف حاجه واحده
فيتو مين ده
ومين ده فيتو
اللى ظابط نفسه على حق الغلابه
فين ياناس المدعو فيتو
اللى سايب حقه فى إدين الديابه
نفسى أعرف مين ده فيتو
اللى خلا الظلم يعلا
والحقوق صبحت فنيتو
ليه يافيتو يابن فيتو
مش خلاص كنا اتفقنا
إنت ليهم وإحنا ليتوا
ولا يعنى خلاص نسيتوا
يعنى أروح السيده وادعى عليكوا
اللى فينا يجى فيتو
وربنا يستر علينا
وعمره ماحيستر عليتو
انتوا يعنى خلاص كبرتوا وافتريتوا
كل مره تقولوا فيتو
فيتو فيتو
طظ فيتو
يايا هوذا إنت والدرع اللى حامى
يابن مارشيل ياصدغ يابن الحرامى
إنت عامل فيها راجل
الرجوله مش خيانه
مش مغالطه ومش نداله
الرجوله فى المواقف
ف احترامك للمبادىء والعداله
والعداله ف إيد شعوبها
والشعوب قد التحدى
واللى واخد ع الكرامه
مستحيل يقدر يوطى
هيه كلمه واسمعوها
بلوا فيتوا واشربوه
ان شالله حتى تخللوه
ملعون جنابك على جنابه
ع اللى أصلا ألفوه
وانتوا ياعالم صدقوا وامنوا يا هوه
ديل الكلاب عمره ف يوم ماحينعدل
لو فوق قوالب علقوه
ضحكوا علينا بالسلام
وسلاح جبان بيعمروه
عايزين ترابنا يهودوه
والدم يبقى للركب ويحللوه
ده فصيلته إيه ده فصيلته نو
ده فصيلته عربى احرقوه
اصحوا يا أهل الكهف قوموا
وصحصحوا بقى وافهمونى وافهموه
يوه .. وحدوووه …
حد فهم حاجــــة !!!
طيب ماشـــى خد عندك دية …
ذهب الليل وطلع الفجر والحشاش كركر
شاف الجوزة قالها شدى
ماما قالتة سيب الجوزة وخليها ف حالها
ساب مدرستة ورمى كرستة وراح يشد نفسها
راحت الجوزة ملهلبة زورو لما شرب منها
وادى جزاء الى ميديش ماما نفس منها
ندر عليه لا اجيلوا واوولع فحمة من فحمة
لحد ماقرش ونص ما يخلص ونحشش لحمة
ميميى مسطول وسعاد مسطولة ومشمش مصاحبهم
وسوسوبكرة يطلع ظابط ويطلع عنهم
ذهب اليل وطلع الفجرو الحشاش كركر
طبعأ واضح ومفهوم !!!
طبعأ البغل فى الأبريــــق !!!
ـــــــــــــــــــــــــــــــــــــــــــــــــــــــــ
التصنيفات : أفكار | أرسل الإدراج | دوّن الإدراج
يونيو 13th, 2010 at 10:01 ص
نشكر كل المطرطرين المشتركين